Залудно се обидуваа да го тргнат Доналд Трамп од бината при кревањето на пехарот (ВИДЕО)

Шпанија синоќа по вторпат во својата историја стана светски шампион во фудбал, а за еден детаљ од церемонијата на доделувањето на пехарот зборува целиот свет. Секако, во главна улога е претседателот на Соединетите Американски Држави, Доналд Трамп.

Моментот во кој капитенот на Шпанија, Родри, и претседателот на ФИФА, Џани Инфантино, се обидоа да го тргнат Доналд Трамп од центарот на кадарот на победничката бина стана вистински хит на социјалните мрежи.

Rodri educadamente convidando Trump a se retirar pra levantar do troféu

Ainda esperou sair de perto

KKKKKKKKKKKKKKKKKKKKKKKKKKKKKKKKKKKKKKKKKKKKKKKK pic.twitter.com/wtiXXZqzDR

— Oklahoma City Brasil 🇧🇷 (@oklahoma_br) July 19, 2026

Откако Шпанија ја совлада Аргентина, следуваше свечената церемонија на доделување на медалите и пехарот. Меѓутоа, наместо во фокусот да бидат само новите светски шампиони, најголемо внимание привлече американскиот претседател Доналд Трамп.

Трамп стоеше во самиот центар на победничката бина покрај капитенот на шпанската репрезентација Родри, кому му го предаде пехарот.

Иако протоколот на ФИФА налага официјалните лица и политичарите по врачувањето на трофејот да се повлечат настрана за победничката фотографија да им припадне исклучиво на играчите, Трамп не покажуваше намера да го напушти централното место.

Родри учтиво се ракуваше со Трамп, го зеде пехарот во рацете и практично му го сврте грбот на американскиот претседател, насочувајќи се директно кон своите соиграчи, така што Трамп незабележливо остана надвор од главната група.