Connect with us

Фудбал

Македонија напредуваше 18 позиции на ФИФА рејтинг листата

Македонската фудбалска репрезентација бележи скок од дури 18 места на најновата ФИФА рејтинг листа објавена денеска. Македонија сега се наоѓа на 85. Позиција со 410 поени.

Прогресот на „црвено-жолтите“ се должи на ремито со Италија (1:1) во Торино и победата над Лихтенштајн (4:0).

Од репрезентациите кои беа противници на Македонија во квалификациска група за СП 2018, Шпанија се наоѓа на осмото место, Италија е 15.та, Албанија 71-ва, Израел се наоѓа на 82.место, додека Лихтенштајн е на 187. место.

Лидер е Германија, а во ТОП 10 уште се и: Бразил, Португалија, Аргентина, Белгија, Полска, Франција, Шпанија, Чиле и Перу.

Следното рангирање Светската фудбалска асоцијација ќе го изврши на 23 ноември.