Барса со серија 16:0 го совлада моќниот Реал!

Се чинеше дека Реал Мадрид е речиси непобедлив и неранлив оваа сезона, но потоа се појави Барселона и покажа дека тоа не е така.

Дуелот меѓу Барса и Реал вечерва го одбележа 18. коло во Евролигата, тоа беше последен натпревар од оваа рунда, а Барселона на крајот триумфираше со 83:78.

Реал сега е на чело на табелата со скор 16-2, а Барселона покажа дека излегува од кратката резултатска криза и сега е на третото место со 12 победи и шест порази.

Првото полувреме навистина не навестуваше ваков исход. Реал главно имаше блага резултатска предност, но Барса не дозволи значително да се одвои.

На почетокот на третата четвртина Барса успеа да поведе со 54:50, нешто подоцна Реал ја врати предноста на своја страна и поведе со 58:62, а потоа следи клучниот период од играта.

На крајот на третата и почетокот на четвртата четвртина Барселона направи серија од 16:0 и од 58:62 стигна до водство од 74:62!

Реал успеа да ја преполови таа разлика, но во самиот финиш на натпреварот Лапровитола погоди важна тројка за Барса, на другата страна Хезоња беше непрецизен и тука заврши приказната на овој натпревар.

Јан Весели беше играч на натпреварот со 27 поени, Лапровитола постигна 14, со осум асистенции.

Кај Реал најефикасен беше Муса со 19 поени, а Хезоња го следеше со 16.