Бомба до крајот на неделата: Хамилтон од 2025 година во Ферари!

Тимот на Ферари е на добар пат да потпише договор со Луис Хамилтон (39), седумкратниот светски шампион во Формула 1, во следните неколку дена, најавуваат добро информираните италијански новинари.

Според истите извори, Британецот директно преговара со претседателот на Ферари, Џон Елкан и доколку се биде во ред, договор ќе биде постигнат во следните неколку дена. Хамилтон потоа би се преселил во Маранело во 2025 година, иако има договор со Мерцедес до крајот на таа година.

🚨 | Ferrari is reportedly trying to get Lewis Hamilton to join the team in 2025.

There have been discussions between Lewis Hamilton and Ferrari's president, John Elkann.

If things go as planned, there might be an announcement in the coming days.#F1 pic.twitter.com/fzfXzPYwon

— Fastest Pitstop (@FastestPitStop) February 1, 2024

Меѓутоа, во истиот тој договор меѓу Хамилтон и тимот на Бракли, постои клаузула која му дозволува да го напушти тимот на крајот на 2024 година.

Во исто време, новинарот Вил Бакстон на својот X профил напиша:

„Слушам дека големата вест доаѓа на крајот на неделата. Ако е тоа што мислам, ќе биде огромно“.

Hearing a big announcement is on the way before the end of the week. If it is what I think it is, it’s absolutely massive. https://t.co/BfxXh7wPN1

— Will Buxton (@wbuxtonofficial) January 31, 2024

Останува да видиме дали трансферот на Хамилтон во Ферари ќе испадне реалност или уште една доза неосновани шпекулации на италијанските медиуми. Минатата година, пред Британецот повторно да потпише за Мерцедес, се шпекулираше дека е блиску до преселба во најуспешниот тим во историјата на Формула 1.