Де Брујн неизвесен за Арсенал

Манчестер Сити не успеа да го победи Интер во првото коло од Лигата на шампионите, а дополнителен проблем за тренерот Пеп Гвардиола е повредата на Кевин Де Брујн.

Белгиецот поради повреда замина на полувремето од натпреварот против тимот на Милано.

„Не знам точно во што е проблемот. Сè уште не сум разговарал со лекарите. Верувам дека се ќе биде појасно во петок“, изјави тренерот Пеп Гвардиола.

Според медиумите во Англија, мали се шансите Де Брујн да го започне натпреварот против Арсенал во Премиер лигата во недела.

Сити освои четири последователни титули на островот, а Арсенал е нивниот главен ривал во последните две сезони.