Дефинитивно е, еден од овие четворица ќе биде нов тренер на Барселона!

Чави Ернандез заминува од Барселона на крајот од сезоната и добро информирани каталонски извори открија дека списокот е скратен на четири конечни имиња и дека на Камп Ноу ќе пристигне еден од следните тренери – Ханси Флик, Томас Тухел, Јулијан. Нагелсман или Роберто Де Зерби.

Познато е дека Жоан Лапорта се приклонува кон германската тренерска школа, но Де Зерби скокна во прв план поради стилот на игра што го негува во Брајтон.

Најзаинтересиран за наследник на Чави е Ханси Флик и затоа го ангажираше Пини Захави, кој е многу близок со Лапорта, а го застапува и Роберт Левандовски. Флик сака повеќе во Барса отколку да се врати во Баерн Минхен, од кој си замина на „задната врата“ по историските резултати. Захави напорно работи да ја оствари желбата на својот клиент и чека одговор од раководството на Барса.

За Шпанија сонува и Томас Тухел, но би сакал да се врати и во Премиер лигата бидејќи Манчестер Јунајтед е една од опциите. Тој ќе биде слободен во месец јуни, бидејќи се договори да ја прекине соработката со Баерн. Тухел е одличен тактички стручњак, но многумина го критикуваат дека има тежок темперамент, а се покажа дека не знае да управува со соблекувалната.

Третиот Германец е Јулијан Нагелсман, кој има договор со германската репрезентација до крајот на ЕП. Практично и тој би бил слободен во јули, но Барселона не му е прва опција. Наводно, се радувал што се вратил во Баерн, каде што верува дека не го завршил започнатото, а воедно тој е Баварец и ова е негов клуб.

И конечно, најтешка опција е Де Зерби, поради финансиските услови. Брајтон постави клаузула која се движи меѓу 10 и 15 милиони евра, која Барселона не може да ја плати. Италијанецот е и на мета на бројни клубови, се споменуваат Челзи, Милан, па дури и Баерн и Манчестер Јунајтед.

Сè на сè, ни претстои виорен тренерски рингишпил, која е најдобрата опција за Барселона?