Лазаров најефикасен во победата на Нант

Капитенот на македонската ракометна репрезентација Кирил Лазаров со седум постигнати голови беше најдобриот играч на Нант на дерби дуелот од третото коло на францускиот ракометен шампионат. Нант синоќа на гостински терен го победи Сант Рафаел со 26:25.

Лазаров се разигра на почетокот од второто полувреме и постигна три гола во серија. Сепак, Сант Рафаел одговараше и преку Каралек и Котешо не им дозволуваше на гостите да се одлепат.

Покрај Лазаров во екипата на Нант се истакна и Лагард со 4 гола, а кај домашниот Сант Рафаел прво име беше Кошето со 6 гола.

Нант е лидер заедно со ПСЖ и Монпелје со по 6 бода.