Фудбал
Ливерпул на чекор до голем потпис со играчот од средниот ред
Фудбалскиот клуб Ливерпул се подготвува за живот без Јирген Клоп, а на мета за следната сезона е играчот од средниот ред на Порто, Алан Варела.
Според информациите на португалскиот О Жого, скаутите на Ливерпул веќе некое време го следат одличниот 22-годишен играч за врска, чиј стил на игра наликува на Хавиер Маскерано.
Варела минатото лето пристигна во Порто од Бока Јуниорс за само осум милиони евра, па ова е уште една врвна работа за „змејовите“. Неговата откупна клаузула е дури 70 милиони евра, но Ливерпул ќе се обиде да преговара за помало обештетување.
Конкуренцијата во средниот ред на Ливерпул е голема, бидејќи летово пристигнаа Ватару Ендо, Алексис Мекалистер, Доминик Собослај и Рајан Гравенберг, но Тиаго Алкантара заминува на лето, а ротацијата е многу потребна.
Варела е исклучително агресивен играч, добро се позиционира на теренот и внесува рамнотежа во играта, па не е чудно што се наоѓа во тефтерите на бројните скаути.
Се очекува наскоро да дебитира за аргентинската репрезентација, досега има само настапи за младинската селекција на светските шампиони.
Погледнете за каков играч се работи: