Му истекува договорот со Реал, Арсенал прв застана во редот!

Ферланд Менди е фудбалер кој во Реал Мадрид пристигна од Лион во 2019 година и е прв избор на позицијата лев бек по заминувањето на Марсело.

Но, имаше и доста проблеми со повредите, поради што Реал навистина загриза за друг фудбалер на таа позиција, помладиот и според многумина поквалитетен Алфонс Дејвис од Баерн, а ова е еден од најголемите трансфери, се очекува ова лето.

„Лекип“ денеска пренесува дека Менди е фудбалер кој останува без договор и кој е на мета на три англиски тима и тоа Арсенал, Ливерпул и Њукасл, но најголеми шанси имаат „топчиите“.

Секако дека Њукасл има убедливо најмали шанси со оглед на тоа дека е извесно дека следната сезона нема да ги гледаме во Лигата на шампионите.

Го чекаме развојот на ситуацијата, Баерн му понуди нов договор на Дејвис и тој е далеку од потпис токму поради интересот на Реал Мадрид, кој е подготвен да го одземе од „Алијанц Арена“ за 40 милиони евра, што можеби ќе ви звучи мало, но имајте на ум дека договорот на Канаѓанецот истекува во 2025 година и дека тогаш лесно може да замине во Реал Мадрид бесплатно.