Облак во „облаците“ по Интер, откри како станал херој на Атлетико

Словенечкиот голман на Атлетико Мадрид, Јан Облак одлично се снајде во пенал рулетот против Интер на крајот од реваншот од осминафиналето на Лигата на шампионите.

Тој успеа да ги запре ударите на Алексис Санчез и Дејви Класен, додека Лаутаро Мартинез шутираше над пречката.

„Секогаш велам дека за пенали треба да имаш малку среќа. Треба да ја избереш вистинската страна, треба да ја запреш топката… Верувам дека е невозможно да се запре топката ако играчот одлично го изведе ударот. За среќа, успеав да одбраним два шута. Важно е што победивме. Се надевам дека нема да застанеме во четвртфиналето од Лигата на шампионите“, изјави голманот на Атлетико по двата меча што завршија 3:3.

Облак истакна дека Атлетико одигра одличен натпревар.

“Генерално, играме многу добри, спектакуларни натпревари, но секогаш има натпревар кој не повредува. Ги разбирам луѓето кои се лути, разочарани, но така живеете дење и ноќе. Се надевам дека ќе им дадеме поголема радост. Атмосферата на стадионот е како отсекогаш да бил фантастичен. Навивачите и стадионот никогаш не потфрлуваат. Можеби играме лошо, но навивачите никогаш. Повторно ни помогнаа многу и на крајот секој може да си оди дома среќен“, додаде Облак.

Тој исто така покажа почит кон својот ривал.

Интер беше одличен. Минатата година играше во финалето во кое заслужи повеќе. Оваа година доминира, но ние ја оставивме душата на теренот во реваншот“, изјави Облак.