Официјално – Иднината на Ферари е врзана за него!

Возачот на Ферари, Шарл Леклер ќе вози за тој италијански тим и по завршувањето на претстојната сезона во Формула 1, бидејќи денеска го продолжи договорот.

Ферари објави дека Леклер ќе остане во тимот и по 2024 година, без да даде дополнителни детали.

Неговиот претходен договор беше до крајот на сезоната 2024 година.

Леклер ја заврши претходната сезона во Формула 1 како петти во генералниот пласман, имаше пет пласмани на подиумот, но остана без ниту една победа.

Од пристигнувањето во Ферари во 2019 година, Леклер има 23 пол позиции, 30 подиуми и пет победи.