Ова е најважниот потпис за Арсенал!

Фудбалскиот тренер на Арсенал, Микел Артета го продолжи договорот со Арсенал на уште три години.

Шпанецот влезе во последната сезона од договорот со „топчиите“ и сите страни сакаа што поскоро да ја елиминираат секоја потенцијална непријатност со нова соработка. Сето тоа се случува во пресрет на дербито во северен Лондон кога Арсенал му гостува на Тотенхем.

Артета направи своевидна револуција во Арсенал откако го презеде тимот од Унаи Емери во 2019 година. Оттогаш, до денес, Арсенал го освои ФА Купот во 2020 година, се врати во Лигата на шампионите по отсуство од седум сезони и е сериозен кандидат за титулата.

Арсенал ја започна тековната сезона со две победи и едно реми, а тимот го мачат проблеми со повреди бидејќи новајлијата како Микел Мерино и Рикардо Калафиори се надвор од протоколот. Исто така, пред неколку дена се повреди капитенот Мартин Едегор.