„Со Тен Хаг, Јунајтед е со милји далеку од титулата“

Продолжуваат критиките кон Тен Хаг, тренерот на Манчестер Јунајтед.

Тимот од Олд Трафорд и оваа сезона не започна добро, иако во последното коло како гости го совлада Саутемптон.

Стилот на игра на Јунајтед беше критикуван од Двајт Јорк, поранешен напаѓач на тимот од Манчестер.

„Со Тен Хаг на клупата, Јунајтед е милиони километри оддалечен од титулата во Премиер лигата. По неговата прва сезона мислев дека тој е човекот што го одведе Манчестер напред. Тој успеа да го освои трофејот во ФА Купот, но кога ќе ја погледнете пошироката слика, Јунајтед нема перспектива“, изјави Јорк и додаде

„Тимот нема идентитет. Погледнете колку голови постигнавме и колку примивме. Процентот на примени голови е најлош од формирањето на Премиер лигата. Тоа се работи кои треба да се истакнат“, заклучи Јорк.