Трагедија во Палестина: Во бомбардирањето во Газа загина фудбалер со неговата сопругата и четирите деца

Страшната вест од Газа е потврдена. Едно семејство беше избришано од лицето на земјата.

Страшна и трагична вест ни доаѓа од Појасот Газа во Палестина.

Во новото бомбардирање на Израелците загинаа најмалку 40 лица.

Меѓу нив беше и Хамди Лубад, играч од средниот ред кој играше за Јармук.

Покрај него, во нападот загинаа и неговата сопруга и четирите деца.

Според новинарот Абубакар Абед, израелското бомбардирање било извршено од авион токму на станот во кој живеело ова семејство.

Breaking 🚨: Hamdi Lubbad, current midfielder of Al-Yarmouk Club and former of Ittihad Deir al-Balah, has been killed in an Israeli airstrike on his apartment in Gaza.

His wife and four daughters also killed.

303 footballers now killed by Israel, which will play today Vs Italy pic.twitter.com/n41hdjJPqP

— Abubaker Abed (@AbubakerAbedW) September 10, 2024

Од Палестина тврдат дека Лубад е дури 303. фудбалер кој загинал во бомбашки напади сите овие години.

Веројатно најпознатиот спортист кој загина во нападите на Израел на Палестина е поранешниот репрезентативец Мохамед Баракат.

Тој го загуби животот во еден од воздушните напади извршени во средината на март 2024 година, а од него се простија многу фудбалери со кои играше во текот на кариерата.

Потсетуваме, дури 40 лица загинаа, а 60 се повредени во израелски напад врз палестински камп на југот на Појасот Газа.