Веста која ја чекаа навивачите на Јунајтед

Манчестер Јунајтед имаше турбулентна есен, но работите би можеле да се подобрат во остатокот од сезоната.

По подолга пауза, од денеска Лисандро Мартинез и Каземиро тренираат со остатокот од тимот, што е одлична вест за Ерик тен Хаг.

Се уште не се знае кога ќе бидат подготвени да се вратат во натпреварувањето, но сигурно е дека тоа ќе биде до крајот на јануари.

Мартинез е надвор од терените од крајот на септември, додека Касемиро се повреди во средината на октомври за време на репрезентативната пауза.

Кога Аргентинецот и Бразилецот ќе се вратат во натпреварувањето и доколку се вратат во ланската форма, почетокот на годината може да биде подобар од крајот на претходната.

Јунајтед викендов му гостува на Виган во ФА Купот, а потоа го пречекува Тотенхем следниот викенд, по што следи пауза до 1 февруари кога гостува кај Вулверхемптон.