Connect with us

Фудбал

Ах, таа Европа-Со пешкири го сушеа теренот од вода за да може да се одигра мечот (ВИДЕО)

Добро познат факт е дека терените во Македонија се меѓу најлошите во регионот во последните 30 години, но синоќешниот пример од Љубљана покажува дека дури и во оние земји кои се во Европската унија, се соочуваат со исти или слично проблеми. Синоќа во Љубљана се одигра натпреварот од претпоследното коло од Конференциската лига меѓу Олимлија и Лил, а во пресрет на натпреварот во Љубљана врнеше силен дожд што му создаде големи проблеми на организаторот на натпреварот. Имено, тревникот на стадионот Стожице бил накиснат и покрај наводното одличната дренажа, па организаторите морале да смислат начин како да го подготват теренот за игра.

Работниците на словенечкиот клуб смислија решение за своите проблеми, па поради тоа станаа хит на социјалните мрежи. Тие донеле голем број крпи и на тој начин се обиделе да се ослободат од водата на тревникот.