Денес, во 17:45, натпреварот МЗТ Скопје-Работнички ќе биде со хуманитарен карактер

Осмото коло во машката сениорска конкуренција од домашното првенство го носи вечното градско дерби меѓу двете најтрофејни екипи – Работнички, клуб кој се уште го носи епитетот најтрофеен и МЗТ Скопје Аеродром кој доминира шест сезони по ред.

Натпреварот ќе биде одигран денес, со почеток во 17 часот и 45 минути во Спортскиот центар „Јане Сандански“ и ќе има хуманитарен карактер.

Сите собрани средства од продадените билети за денешниот натпревар, кои чинат сто денари, ќе бидат донирани за животната борба на Стеван Гешоски.

Време е за дерби, време е да бидеме хумани! – е апелот од двете екипи кои ги повикуваат љубителите на кошарка во што поголем број да дојдат на натпреварот.