Фенербахче поразен на гостувањето во Тел Авив

На четирите средби од 14. коло во кошаркарската Евролига, единствената победа на домашните тимови ја оствари Макаби, кој на дуелот во Тел Авив го совладаа актуелниот шампион Фенербахче со 82-73.

Ова беше петтиот пораз на бранителот на трофејот, по кој Фенербахче падна на четвртото место на табелата, бидејќи атински Панатинаикос во Белград беше подобар од Црвена звезда со 69-63.

Победи на гостински терен остварија и Реал Мадрид кој со 81-66 го совлада Бамберг, како и Жалгирис кој беше подобар од Валенсија со 71-63.

Денеска ќе се играат преостанатите четири натпревари, а во нив се среќаваат ЦСКА Москва – Химки, Анадолу Ефес – Олимпијакос, Басконија – Барселона и Уникаха – Милано.