Играч на Арсенал основал клуб и го именувал по себе

Играчот од средниот ред на Арсенал, Мохамед Елнени се одлучи на необичен потег, бидејќи основаше свој клуб.

Она што е исто така впечатливо е името на клубот, бидејќи Египќанецот го именувал по себе, поточно официјалното име е Елнени ФК, а на грбот доминира лав со круна.

Слоганот на клубот е „каде талентот се среќава со можностите“, а целта е да собере играчи од 16 до 25 години. Некои тренинзи ги води самиот Елнени, а има тренери со лиценца на УЕФА.

Елнени ФК обезбедува и анализа на играчи/натпревар преку VEO технологијата.

„Среќни сме што можеме да го објавиме формирањето на Фудбалскиот клуб Елнени, динамична и инклузивна спортска заедница посветена на негување млади таленти од возрасната група од 16 до 25 години. Со страст за убавата игра и посветеност да ги развиваме ѕвездите на утрешниот ден. Елнени ФК е поставена да биде платформа каде соништата стануваат реалност. Придружете ни се на ова возбудливо патување бидејќи обезбедуваме тренирање од светска класа, средина за поддршка и неспоредливи можности да ја обликувате вашата фудбалска кариера. Без разлика дали сте ѕвезда во подем или спортист, Елнени ФК е вистинското место за вас. Подгответе се да се искачите со Елнени“ , рече Елнени.

Елнени и оваа сезона не е во преден план за менаџерот Микел Артета, бидејќи на неговата позиција играат Деклан Рајс, Жоргињо и Томаш Парти.