Инциденти пред мечот Хрватска – Србија, има и приведени

Српските медиуми информираат за инциденти пред големиот ракометен меч помеѓу Хрватска и Србија, неколку навивачи се повредени.

Според информации на „Танјуг“, на вечерашниот ракометен меч помеѓу Хрватска и Србија му предходеле инциденти во режија на навивачи на Хајдук.

И покрај големото обезбедување во Загреб, група хрватски навивачи успеале да направат инциденти користејќи пиротехника. Според непотврдени информации, има и уапсени, но инцидентите не добиле пошироки размери.