Кошаркарите атакуваат на нова победа

Македонската кошаркарска репрезентација вечерва од 20 часот и 45 минути во вториот дуел од претквалификациите за Европското првенство ја пречекуваат селекцијата на Швајцарија.

По стартниот триумф против Словачка нашата кошаркарска селекција вечерва во салата на СЦ Јане Сандански се соочуваат со Швајцарија и ќе атакуваат на нова победа по која ќе се зацврстиме на првото место во групата и ќе направиме крупен чекор кон влез во квалификациите за континенталниот шампионат што ќе се одржи во 2021 година.

Избраниците на селекторот Јорданчо Давитков се апсолутни фаворити, но тоа мора да се оправда на теренот и да се стигне до нова победа.

Натпреварот почнува во 20 часот и 45 минути и влезот за сите заинтересирани љубители на кошарката е слободен.