Македонската кошаркарска федерацијаќе ги награди најдобрите во кошарката на свечена церемонија на 25. декември, 2017 година

Македонската кошаркарска федерација ќе ја продолжи традицијата и оваа календарска година и ќе ги награди најдобрите во кошарката на свечена церемонија на 25. декември, 2017 година.

Сите клубови во младинските и во сениорските конкуренции, сите членови на Здружението на кошаркарски тренери во Република Македонија, членовите на Судиската Комисија при МКФ како и медиумите учествуваат во гласањето за избор на најдобрите кое сè уште е во тек. Се гласа во 13 категории и тоа:

– Најдобар кошаркар
– Најдобра кошаркарка
– Најдобар млад кошаркар
– Најдобра млада кошаркарка
– Најдобра машка екипа (сениори)
– Најдобра женска екипа (сениорки)
– Најдобра машка екипа (младински)
– Најдобра женска екипа (младински)
– Најдобар тренер на машка екипа (сениори)
– Најдобар тренер на женска екипа (сениорки)
– Најдобар тренер на машка екипа (младински)
– Најдобар тренер на женска екипа (младински)
– Најдобар кошаркарски судија

Церемонијата ќе се одржи во „Сквер 21“, на 25. декември (понеделник) со почеток во 19:00 часот.