Металург загуби на последниот натпревар од Лигата на Шампионите на домашен терен

Ракометарите на Металург со пораз се поздравија од домашните навивачи во групната фаза од Лигата на Шампионите. Попладнево тие загубија од Мотор Запорожје со 30-22.

На полувремето македонскиот вицепрвак губеше 16-12, откако гостите рано се одлепија. Во шестата минута имаа четири гола предност.

Во редовите на Металург најефикасен беше Дарко Димитриевски со пет гола, а втор беше Халил Јагањац со 4.

Табела: Монпелје 16 бодови, Мотор Запорожје 13, Бешикташ 7, Спортинг 6, Чеховски Медведи 7 и Металург 5.