„Модриќ знае што сака Анчелоти од него. Тоа е проблемот“

Лука Модриќ се врати на теренот откако пропушти два натпревари за Реал Мадрид. Ги пропушти по одлука на тренерот Карло Анчелоти, не поради повреда, болест или поради тоа што не беше подготвен за игра. Ова му се случи за прв пат по 2012 година, а непосакуваниот одмор дојде во вториот дел од мечот во Неапол, каде Реал со 3:2 го победи Наполи во Лигата на шампионите.

Самиот факт дека Модриќ повторно заигра е вест сам по себе, пишува Мундо Депортиво во осврт на натпреварот во Неапол, додавајќи дека со неговото влегување на теренот, Реал почнал да игра подобро и на крајот победил.

“Тој го направи тоа што го очекувавме од него, го стави своето искуство во служба на тимот. Одигра половина час на високо ниво, што значи дека е мотивиран и може да помогне. Тоа го бара тренерот од еден играч кој не игра редовно. Во таа смисла беше фантастично“, изјави Анчелоти по мечот, а Мундо Депортиво продолжува:

“Модриќ знае што очекува Анчелоти и бара од него. Проблемот е што Хрватот сака повеќе и е вознемирен поради тоа. Се случува она што не го очекуваше минатото лето кога го продолжи договорот со Реал. Анчелоти тогаш му кажа дека ќе бидете важен играчи во тимот, а Модриќ не гледа на тоа така“.

„Хрватот сега треба да одлучи што ќе прави, дали сака да продолжи вака без да биде постојан стартер или да го напушти клубот во јануари. Тој има понуда, почнувајќи од онаа на Дејвид Бекам, кој е луд да го доведе во Интер. Мајами“, се заклучува во текстот.