Осимен паузира еден месец

Напаѓачот на Наполи, Виктор Осимен (24) го повреди бутниот мускул на десната нога на натпреварот на својата репрезентација и би можел да отсуствува околу еден месец.

„Осимен беше подложен на нови прегледи, кои открија лезија од среден тип на десната бутина“, се вели во соопштението на Наполи.

„Напаѓачот започна со рехабилитација во клупскиот тренинг центар“, се додава, без дополнителни детали.

Napoli have confirmed that Victor Osimhen suffered an injury to his thigh while away on international duty with Nigeria, ruling him out for the next three matches at a minimum. https://t.co/r5xJ5jbPF0 #Osimhen #Napoli #SerieA #Calcio

— Football Italia (@footballitalia) October 16, 2023

Како што објави „Коријере деле спорт“, Осимен би можел да отсуствува еден месец и да пропушти четири првенствени натпревари и два натпревари од Лигата на шампионите.

Најдобриот стрелец во Серија А од минатата сезона се повреди во петокот на пријателскиот натпревар меѓу Нигерија и Саудиска Арабија во Портимао, јужна Португалија, кој заврши нерешено 2-2.

Нигериецот оваа сезона постигна шест гола на 10 натпревари.

Наполи моментално е на 5. место во италијанската Серија А, со седум бода помалку од лидерот Милан.