Понеделник почнува продажбата на билети за Вардар-ППД Загреб

Од понеделеник (25 септември) почнува продажбата на поединечни билети за натпреварот од третото коло од А групата на лигата на шампионите меѓу Вардар и ППД Загреб. Средбата е закажана за недела, 1 октомври 2017 година со почеток во 17,30 часот во СЦ „Јане Сандански”.

Ова е втор натпревар за Вардар пред домашна публика сезонава во ЛШ, а на претходните два „црвено-црните” победија. Прво на гостински терен кај Висла Плоцк (26-22), и дома против Нант (27-23). Вардар е прв на табелата со максимален борј бодови, 4 од два натпревари.

Продажбата на билетите за натпреварот Вардар – ППД Загреб ќе се врши преку продажната мрежа на ТикетПлус, како и онлајн на www.ticketplus.mk.

Цената на билетите за овој натпревар е:

Трибина – 350 денари
Стоење – 150 денари

Имателите на Вардар ПАС и сезонска картичка на РК Вардар можат да присустуваат на овој натпревар само со приложување на електронскиот ваучер на влезот од СЦ „Јане Сандански”.