Шкендија ремизираше со Вардар, Ренова со три бода од гостувањето кај Работнички

Вкупно 11 голови беа постигнати на првите два натпревара од новата сезона во Првата македонска фудбалска лига.

Дербито во Тетово меѓу шампионот Шкендија и Вардар заврши без победник 2:2. Вардар дојде до посакуваното водство уште во 5. минута со глот на Барсегјан за 0:1. Овој резултат остана непроменет до крајот на првото полувреме.

Ибраими во 54. минута постигнува гол и ја враќа Шкендија во игра. Домаќинот во 63. минута остана со играч помалку. На Алими му беше покажан вториот жолт картон и беше исклучен од игра.

Меѓутоа, Шкендија и со играч помалку дојде до водство. Во 73. минута Бојку ја носи Шкендија во водство од 2:1.

Вардар во крајот на натпреварот успеа да се избори на реми. Попов во 85. минута постигна гол за 2:2, а ова беше е конечниот резултат на овој натпревар.

Ренова во Скопје го совлада Работнички со 4:3. Многу шанси и многу голови на двете стран. Ренова започна одлично и веќе во 4. минута дојде до водство од 0:1 со голот на Сулејмани, а во 11. минута Јусуфи ја зголемува предноста на Ренова на 0:2.

Домаќинот со голот на Петковски во 23. минута ја намалува предноста на Ренова на 1:2.

Само по три минути од почетокот на второто полувреме Стојановски во 48. минута постигнува гол и ја зголемува предноста на Ренова на 1:3, а истиот фудбалер го постигна и четвртиот гол за Ренова и во 68. минута.

Кај Работнички, Стјепановиќ во 55. минута постигна гол 2:3, а точка на натпреварот стави Ристевски кој во 86. минута ја погоди сопствената мрежа и ги постави конечните 3:4, резултат кој му донесе на Ренова три бода во новата сезона.

Утре играат: Победа – Беласица, Академија Пандев – Македонија Ѓ.П. и Силекс – Шкупи.

Почетокот на сите натпревари е во 17 часот.