Суперкупот на Италија без шампион, Наполи и Фиорентина ќе се повлечат?!

Наполи и Фиорентина имаат намера да се повлечат од италијанскиот Суперкуп кој се организира во Саудиска Арабија, пишува „Газета дело спорт“.

Клубовите на Де Лаурентис и Комис се подготвени да се повлечат од тоа натпреварување а можни се Милан и Аталанта како нивни замени.

Италијанскиот Суперкуп повеќе нема да биде единствен натпревар помеѓу актуелниот освојувач на Скудетото и Купот на Италија, но турнирот е проширен за да го вклучи поразениот финалист на Купот на Италија и тимот што се пласираше на второто место во Серија А.

Овој формат е познат веќе некое време и очигледно е прифатен од сите. Сега, сепак, нешто се промени, толку многу што Фиорентина се закани со повлекување од Суперкупот.

Она што го загрижува Аурелио де Лаурентис, според „Ла Газета дело спорт“, е токму одложувањето на италијанскиот Суперкуп за крајот на јануари. Премногу блиску, според сопственикот на Наполи, до можно осминафинале во Лигата на шампионите.

И не само тоа, Де Лаурентис би се плашел од моменталната ситуација во Израел и поради таа причина би побарал Суперкупот да се игра во Италија, а не повеќе во Ријад. Фиорентина, како што се случуваше во минатото, се согласи со Наполи, плашејќи се за возврат од можноста да не учествува во Суперкупот. И двата клуба поради оваа одлука би можеле да добијат одредени санкции.

Лигата, откако ги дефинираше календарите со поместување на неколку првенствени денови за да се направи простор за Суперкупот, се држи до датумот, додека промената на местото на одигрување е спречена со комерцијални договори кои беа направени пред извесно време.

Суперкупот на Италија ќе се игра од 21 до 25 јануари во Ријад, Саудиска Арабија, со две недели задоцнување во однос на првичниот план. Поточно, двете полуфиналиња ќе се играат на 21 и 22 јануари, а финалето на 25 јануари.