ВИДЕО: Блејк Грифин претрпе потрес на мозокот на синоќешниот натпревар против Голден Стејт

Ѕвездата на Лос Анџелес Клиперс, Блејк Грифин синоќа заработи повреда откако по неполни десет минути игра, при еден влез од десната страна се сопна од притивнички играч по што со главата удри во лактот на Џавејл Мекли.

#Clippers star Blake Griffin went down after catching an elbow to the head. His hand was trembling as he laid on the floor… pic.twitter.com/7cQnSdw0h4

— Def Pen Hoops (@DefPenHoops) January 6, 2018

Грифин падна на подот и остана да лежи неколку минути додека лекарите му укажваа помош.

– Блејк е силно момче и мислам дека ќе биде добро, изјави по средбата неговиот соиграч Де Андре Јордан.

Според првичните информации Грифин претпрел потрес на мозокот, а се уште не се знае колку ќе паузира.

– Ја следиме неговата состојба и мораме да бидеме внимателни. Ќе се потрудиме брзо да закрепне од контузијата, изјавија од лекарскиот тим на „Клиперси“.