Ракомет
Зоран Кастратовиќ е новиот тренет на Металург
Раководството на Металург ја заврши потрагата по нов тренер на првиот тим и се договори со Зоран Кастратовиќ, кој ќе го замени отпуштениот Дамир Стојановиќ.
Во изминатите две седмици Металург преговараше со голем број еминентни тренери, на списокот беа и Ивица Обрван, Жељко Бабиќ, Бранко Тамше, Рафаел Гихоса и Ненад Кљаиќ, но на крајот договор е постигнат со Зоран Кастратовиќ.
Кастратовиќ е тренер со големо искуство и минат труд, а во својата тренерска кариера работел со екипи како Вардар, Кометал, Сутјеска и Ал Џаиш, а бил и селектор на женската репрезентација на Македонија, како и селектор на машките репрезентации на Црна Гора и на Иран.
Кастратовиќ во Металург доаѓа во најсоодветно време, пред клупскиот ангажман во ЕХФ Купот и главната разврска во македонското првенство.