Рекорд на Италија, Германија и Албанија ги „решетеа“ мрежите на противникот

Се одиграа преостанатите квалификациски натпревари за Светското првенство планирани за септември. Немаше поголеми изненадувања на 11 средби одиграни во 20:45 часот.

Италија ја победи Литванија со 5:0 и стигна до нов рекорд. Европскиот шампион врза 37 натпревари без пораз. Последен пат беа поразени во септември 2018 година од Португалија.

„Азурите“ одиграа фантастично прво полувреме кога постигнаа четири гола, а двоен стрелец беше Кин. Останатите стрелци за Италија беа Ди Лоренцо и Распадори. Уткус беше стрелец на вториот гол за Италија откако ја затресе сопствената мрежа.

На избраниците на Роберт Манчини во прилог му оди и вториот резултат од групата Ц, Северна Ирска и Швајцарија одиграа 0 0. Трагичар беше Харис Сеферовиќ, кој промаши пенал во првото полувреме.

Во групата Ј, Германците го совладаа Исланд со 0:4, но натпреварот на некој начин го одбележа големото промашување на Вернер. Напаѓачот на Челзи платен 53 милиони од неколку метри не успеа да ја затресе мрежата. Погледнете го промашувањето овде.

Вернер на крајот се искупи во 89. минута кога го постави конечниот резултат. Гнабри, Рудигер и Сане претходно беа меѓу стрелците.

Албанија го почести Сан Марино со 5:0 и се проби на фантастично второ место во групата И. Албанците исто така треба да и се заблагодарат на Англија за моменталната позиција, која одигра 1:1 на гости против Полска. Англичаните се уште се први.

Англичаните ги предводеше Кејн со феноменален гол на гости до судиското надополнување. Во последните моменти Шимански погоди за 1:1.

Белгија ја совлада Белорусија во групата Е со минимални 0:1 и суверено се движи кон Светското првенство. Во нивна корист беше и резултатот од натпреварот Велс – Естонија 0:0.

Во игра се врати и Шпанија за директен пласман на Светското првенство од групата Б по победата над Косово (0:2), но и по поразот од Шведска на гостувањето во Грција (2:1).