Маркос Алонсо го исполни ветувањето: Тој не клекна и само покажа на знакот

Фудбалерот на Челзи, Маркос Алонсо го одржа ветувањето и повеќе нема да клекне на колена во знак на поддршка против расизмот.

Шпанскиот фудбалер пред натпреварот против Манчестер Сити објави дека ќе престане да клекнува и тоа навистина го стори.

Marcos Alonso no se arrodilla, como anunció, y se señala el parche de “No to Racism” pic.twitter.com/ZmdajfLG0I

— Manuel Sánchez Gómez (@ManuSanchezGom) September 25, 2021

Додека сите останати клекнаа, Алонсо застана и покажа на знак на неговиот дрес на кој пишува „нема место за расизам“.

? Marcos Alonso makes his own stance against Racism. pic.twitter.com/8QehOqPNaE

— SPORF (@Sporf) September 25, 2021

Многу фудбалери одлучија да не клекнат на колена во претходниот период. Меѓу нив има фудбалери со темна кожа, а Вилфрид Заха беше првиот што одлучи за овој потег.

Тој смета дека клекнувањето не е доволно во борбата против расизмот и дека се потребни многу посилни мерки за сузбивање на таквите работи на англиско тло.

Маркос Алонсо со години е еден од најважните членови на Челзи. Со Томас Тухел, тој е незаменлив по левата страна и е еден од омилените на „Плавите“ од Лондон.

Шпанецот е член на англискиот клуб од 2016 година. Одигра 174 натпревари и постигна 25 голови.