Фудбал
Вајлдер планира да го нокаутира Фјури, а потоа и Усик
Деонтеј Вајлдер во сабота ќе се обиде да го врати светскиот појас во тешка категорија.
Бронзениот бомбардер ќе го одигра својот трет натпревар против Тајсон Фјури во Лас Вегас и овој пат најавува дека ќе го нокаутира човекот што го симна од тронот.
Вајлдер има јасен план. Нокаутот на Фјури, а потоа и борбата против Александар Усик за апсолутен светски шампион.
„Ми се допаѓа она што го кажа Усик. Тој предвиде дека ќе го нокаутирам Фјури и нема сомнение во тоа. Тој, исто така, рече дека ќе го исфрли Џошуа и дека после тоа го сака нашиот натпревар. Тој сериозно размислува и чувствувам дека е почитуван човек. Убеден сум дека ќе го одржи неговиот збор“, рече Вајлдер, додавајќи:
View this post on Instagram
„Многу луѓе го земаат појасот и почнуваат да се зафркаваат. Усик не е таков, тие се вистински воин и со нетрпение очекувам да се борам со него. Сакам да се пензионирам како апсолутен шампион, едно име, едно лице на врвот“, рече Вајлдер.
Како и Фјури, тој потврди дека овој натпревар ќе биде последна пресметка меѓу нив, а Фјури засега е поуспешен.
Во декември 2018 година, Вајлдер успеа да извлече нерешено, додека во февруари минатата година беше брутално претепан од Циганскиот крал кој ја освои титулата по прекинот во седмата рунда.
