Ангеловски подготви изненадување за Италијанците

Селекторот на македонската фудбалска репрезентација Игор Ангеловски со две изненадувања во почетниот состав ќе го почне вечерашниот дуел во Торино против Италија.

Досегашниот играч од десната странична позиција Стефан Ристовски ќе игра како стопер во тандем со Висар Муслиу, а не негово место ќе се најде Марјан Радески.

Македонија на „Олимпискиот Стадион“ во Торино ќе истрча во следниот состав: Димитриевски, Ристовски, Велковски, Муслиу, Радески, Спировски, Алиоски, Барди, Несторовски, Пандев, Хасани. Селектор: Ангеловски.

За Италија во почетните 11 ќе бидат: Буфон, Барѕаљи, Бонучи, Кјелини, Дармијан, Пароло, Гаљардини, Запакоста, Инсиње, Имобиле, Верди.

Почетокот на натпреварот е во 20 часот и 45 минути.