Англија и Германија обезбедија учество на СП 2018

Репрезентациите на Англија и на Германија на едно коло пред крајот на квалификациите се пласираа на фудбалскиот Мундијал што следната година ќе се игра во Русија.

Англичаните со голот на Хари Кејн синоќа на „Вембли“ во Лондон ја победија Словенија. Напаѓачот на Тотенхем погодокот го постигна во четвртата минута од судиското надополнување.

За разлика од Англија која се „мачеше“ со Словенија, Германија со убедливи 3:0 победи на гостувањето кај Северна Ирска и го потврди пласманот на СП.

Највисоката победа синоќа ја забележа Норвешка, додека Данска беше поуспешна во Црна Гора и со тоа ги откажа домаќините од надежта за бараж.

Резултати:

Ц-група: Азербејџан – Чешка 1:2, Северна Ирска – Германија 1:3 и Сан Марино – Норвешка 0:8.
Германија е пласирана на СП, Северна Ирска ќе игра бараж.

Е-група: Ерменија – Полска 1:6, Црна Гора – Данска 0:1 и Романија – Казахстан 3:1.
Полска е лидер со 22 бода, Данска има 19.

Ф-група: Англија – Словенија 1:0, Малта – Литванија 1:1 и Шкотска – Словачка 1:0.
Води Англија со 23 бода, Шкотска има 17, Словачка 15, Словенија 14.