Баер Леверкузен ги договори условите со Арсенал за Гранит Џака

Баер Леверкузен се договорил со Арсенал за трансфер на Гранит Џака, објави Фабрицио Романо, кој додаде дека зделката е завршена и швајцарскиот репрезентативец ќе ги помине медицинските прегледи.

Арсенал ќе добие 25 милиони евра од продажбата на Гранит Џака на Баер Леверкузен.

Дефанзивниот играч за врска ќе потпише 5-годишен договор со германскиот клуб, кој ќе го задржи на Бај Арената до јуни 2028 година.

Гранит Џака му се приклучи на Арсенал во јуни 2016 година од германскиот клуб Борусија Менхенгладбах. За тие 7 години на Емирати, 30-годишниот играч одигра 297 натпревари за Топџиите, постигнувајќи 23 гола и 29 асистенции.