Баерн стигна до нова победа, 19-годишникот пишува историја

Баерн Минхен ја остври десеттата победа, шеста во низа во Бундеслигата, откако го совлада Шалке со 2:0 во натпреварот од 15. коло.

Голот на Гнабри во 38. минута, и на Чупо-Мотинг во 52. на Баварците им обезбедија 3 бода. Другиот протагонист на натпреварот беше Мусиала, автор на две асистенции.

Ниту еден германски играч во најдобрите пет европски лиги не постигнал толку голови во сите натпреварувања како Мусиала (20) и Серж Гнабри (19).

На возраст од 19 години и 259 дена, Јама Мусиала е најмладиот играч кој собрал 100 настапи за Баерн Минхен во сите натпреварувања од почетокот на Бундеслигата.

Благодарение на денешната победа, тимот на Јулијан Нагелсман води во лигата со 34 бода, шест повеќе од најблиските ривали Лајпциг и седум повеќе од изненадувачкото дуо Унион Берлин и Фрајбург.