Беше тешко заразен со корона, па Баерн го заборави. Сега оди во Барселона?

Барселона би можела да го доведе Нусаир Мазрауи (25) од Баерн, тврди Билд. Десното крило на Баерн и на мароканската репрезентација пристигна во клубот од Минхен како слободен играч летото 2022 година, кога му истече договорот со Ајакс. Прво беше член на првиот тим, но потоа мораше да паузира бидејќи сериозно се зарази со коронавирус на одморот по Светското првенство и како резултат на тоа доби перикардитис или воспаление на срцевата мембрана.

Откако Манчестер Сити го исфрли Баерн во четвртфиналето од Лигата на шампионите, Мазрауи се пожали на својот статус во клубот.

„Разочаран сум од моменталната ситуација. Бев прв тим пред Светското првенство, сега сум фит и не добивам минутажа. Не сум ни втор или трет избор. Рано е да зборувам за мојата перспектива овде, но не е добро“, рече мароканскиот дефанзивец .

Мазрауи се појави 20 пати и акумулираше 1063 минути за клубот од Минхен. Пред него своја шанса добиваат Бенџамин Павард, Жоао Кансело и хрватскиот репрезентативец Јосип Станишиќ. Тој потпиша договор со Баерн до летото 2026 година. Трансфермаркт неговата вредност ја проценува на 28 милиони евра. За мароканската репрезентација има 20 настапи и два гола.