Фудбал
Без Елиф Елмас во составот Наполи не победува
Екипата на Наполи за прв пат сезонава на гостиски терен не постигна гол и за прв пат одигра реми. Се покажа како тешко гостувањето во Торино. Втор пат откако дојде во Наполи, македонскиот репрезентативец Елиф Елмас не одигра ниту една минута. Вечерва остана на клупата за резервни фудбалери. Претходно тоа се случи со Каљари, кога Наполи на домашен терен загуби со 1:0.
Не сметајќи го мечот со Јувентус кога Наполи загуби со 4:3 и кога Елмас ги одигра последните моменти од мечот, може да се каже дека македонскиот интернационалец му носи среќа на својот тим. Наполи со Елмас од првата минута на теренот ги доби сите натпревари во Серие А.