„Блокотехна“ по продолжение загуби од „Левски“

Гевгелиската екипа „Блокотехна“ го претрпе првиот пораз во регионалната кошаркарска Балканската лига (БИБЛ).

Кошаркарите на Блоктехна се поразени на гостувањето во Софија кај Левски со 99:93 по продолжение, откако по регуларниот дел резултатот беше израмнет 84-84.

Иако во поголемиот дел од мечот бугарскиот тим имаше предност, сепак нашиот претставник успеа да ја анулира негативата, а при нерешен резултат 84-84 на 15.секунди до крајот имаше и напад за победа. Мејлор не успеа да погоди, а на спротивната страна домаќините на 1,5 секунда не реализираа две слободни фрлања.

Во дополнителните пет минути, домаќините имаа повеќе концентрација, но и среќа, па истите ги добија со 15-9, за конечен резултат 99:93.

Најефикасен во тимот на Блокотеха беше Американецот, Двејн Бенжамин кој средбата ја заврши со 27, додека неговиот сонародник Мајк Мејлор постигна 23 поени. Двоцифрен број на поени (13) постигнаа Марјан Младеновиќ и Данило Мијатовиќ.

За гевгеличани ова е прв пораз во нивната дебитантска сезона во БИБЛ конкуренцијата.

Во првиот меч од 3.коло црногорскиот тим Ибар беше поразен од Рилски Спортист од Бугарија со 61-84.

Утре ќе се одиграат преостанатите две средби.

Во Тирана кај истоимената екипа гостува Башкими, додека од 19 часот Куманово го пречекува составот на Академик Бултекс кој досега нема пораз.