Брозовиќ се враќа во Европа?

Дел од турските медиуми денеска ја објавија веста дека тренерот на Галатасарај, Окан Бурук, би сакал во зимскиот преоден рок да го доведе Матео Ковачиќ (29) на позајмица од Манчестер Сити. Друг дел од турските медиуми имаат различни информации. Според нив, Галатасарај сака хрватски играч за врска, но не Ковачиќ, туку Марсело Брозовиќ.

Според турските медиуми, 31-годишниот играч за врска на хрватската репрезентација е желба на Галатасарај кој би сакал да го ангажира на шест месеци. Се наведува дека Брозовиќ не би имал ништо против и дека Галатасарај се сигурни дека добрата финансиска понуда би можела да ги убеди челниците на клубот од Саудиска Арабија да размислат за работата.

Идејата за најтрофејниот клуб таму е да ја преземе платата на Брозовиќ, со тоа што, според турски извори, Ал Наср би сакал и финансиска компензација за пуштањето на хрватскиот играч за врска на позајмица.

Брозовиќ минатото лето го потпиша договорот од „соништата“ со Ал Наср. Соработката била договорена на три години, а пишувало дека ќе заработува 25 милиони евра по сезона, со што е најплатен хрватски спортист. На 18 натпревари за новиот клуб, тој постигна еден и асистираше за четири гола.

Скапиот тим во кој се Кристијано Роналдо, Садио Мане, Ајмерик Лапорте, Отавио и други е на второто место на првенствената табела со седум бодови помалку од водечкиот Ал Хилал.