Чави: Очекувајте спектакл против Манчестер Јунајтед

Тренерот на Барселона, Чави Ернандез изјави дека очекуваат спектакуларни натпревари против Манчестер Јунајтед во осминафиналето од Лигата на Европа.

Барселона во четврток ќе го пречека клубот од „Олд Трафорд“ во првиот осминафинален натпревар од Лигата на Европа. Натпреварот се игра на „Ноу Камп“ од 18:45 часот.

„Тоа ќе биде голем натпревар, спектакуларен дуел за сите љубители на фудбалот. Двете екипи се во добра форма. Сепак, овој натпревар никој не може да го нарече натпревар од Лигата на шампионите, бидејќи играме во Лига Европа. Нè очекува тежок натпревар. Јунајтед има многу квалитет, брзи се во транзиција, физички многу силни…“, изјави Чави, а пренесува официјалниот сајт на клубот.

Тој истакна дека Манчестер Јунајтед има многу квалитет и додаде дека англискиот клуб е многу физички силен.

„Мислам дека конечниот победник ќе биде познат, доколку нема изненадувања, по реваншот следната недела на „Олд Трафорд. Ништо нема да биде решено на првиот натпревар. Штета што нема да го играме реваншот на свој терен“, додаде тренерот на Барселона.

Чави ги пофали квалитетите на менаџерот на Манчестер Јунајтед, Ерик Тен Хаг.

„Тој го промени лицето на тимот. Беше тешко, но успеа. Начинот на кој сака да игра неговиот тим кажува многу за него. Тој е напаѓачки тренер и референца за сите оние кои сакаат ваков фудбал. Тен Хаг е одличен тренер“, заклучи Чави.