Човекот кој го разоткри Манчестер Сити за малверзации, се уште „скапува“ во затвор

Додека светот го обиколува веста за судбината на Манчестер Сити, за казната од исфрлањето од Лигата на шампионите, човекот кој го разоткри тоа се уште е во затвор. Хакерот Руи Пинто кој ги украл мејловите, врз основа на кои е донесена пресудата се соочува со 90 обвиненија за хакирање, саботажа и измама.

Синоќа се сетија на него, но медиумите, кои потсетија дека од март е во притвор и дека му е одбиена жалбата да се брани од слобода.

Навивачите на Борусија Дортмунд истанкаа синоќа транспарент со барање да биде ослободен, а самиот Пинто неодамна за „Шпигел“ кој ги објави мејловите, изјавил дека е свесен за последиците.

-Се плашат од она што го знам, затоа не ме пуштаат, се надеваат дека ќе го загубам здравиот разум, изјави Португалецот.