Connect with us

Фудбал

Дали фудбалскиот свет доби нов играч со најмоќниот удар? Ги соборува противниците (ВИДЕО)

На сцена стапуваат нови фудбалери кои воодушевуваат од натпревар во натпревар и полека и сигурно го преземаат приматот. Играчите со моќни шутеви отсекогаш привлекувале внимание. Роберто Карлос, Адријано, Златан Ибрахимовиќ, Габриел Батистута, Хулк се фудбалери кои станаа синоним за „суперсонични“ брзи удари.

Како што стојат работите, изгледа дека фудбалскиот свет доби нов фудбалер со најмоќниот удар на светот. Тоа е Феде Валверде.

Валверде игра навистина брилијантно во текот на целата година и веќе овој 24-годишен играч може да се смета за еден од најдобрите играчи од средниот ред во светот.

Колку е моќен ударот на Уругваецот, најдобро го почувствуваа иранските фудбалери, кои буквално паднаа кога го блокираа ударот на ѕвездата на Реал.

Во три обиди од далечина, Валверде трипати го собори иранскиот играч од нога. Иако брзината на ударите не е измерена, секако е меѓу најмоќните во светот.

Интересно е што Валверде три пати удри Иранец. Двапати во главата и еднаш во меѓуножјето. Реакциите на играчот доволно зборуваат за јачината на ударот.

Сепак, иако демонстрираше убиствен удар, на крајот не му беше од корист на Валверде, бидејќи Иранците го добија натпреварот со 1:0. Инаку, според официјалните податоци, најбрзиот удар во историјата е забележан во ноември 2006 година, кога фудбалерот на Спортинг Рони ја шутна топката со брзина од 210 км/ч.