По пауза од повеќе од три недели, вечерва ни се враќа Лигата на шампионите, а во центарот на вниманието е репризата на финалето од минатата сезона кое ќе се игра во Мадрид помеѓу Реал и Борусија Дортмунд.
Реал во финалето на Лигата на шампионите минатата сезона ја освои 15-та титула на Стариот континент победувајќи со 2:0 во јуни. Тој вечерва повторно ќе биде голем фаворит против германските Милионери. Мадриѓаните се под императив на победа и поради тоа што во последниот меч од Лигата на шампионите претрпеа пораз од Лил, па вечерва мора да се „извадат“ против уште посилниот ривал кој забележа две победи на стартот од новата сезона, но имаше и многу полесен распоред играјќи против Клуб Бриж и Селтик.
Под императивот победа е и вториот најтрофеен тим во историјата на Лигата на шампионите, а тоа е Милан. „Росонерите“ на стартот од новата сезона забележаа два порази од Ливерпул и Баер Леверкузен, а вечерва имаат шанса да се поправат и последниот „воз“ за продолжување на натпреварувањето против Клуб Бриж на својот Сан Сиро. Во другите мечеви, Штутгарт игра против Јувебтус, а Црвена Звезда гостува во Монако, додека Пари Сен Жермен ќе биде домаќин на ПСВ. Арсенал како голем фаворит го пречекува Шахтјор. Штурм го пречекува Спортинг Лисабон.