Фудбал
Дани Олмо потпиша за Барселона, раце трие Динамо Загреб, неколку милиони ќе легнат на нивна сметка
Шпанецот Дани Олмо потпишува шестгодишен договор со Барселона, а РБ Лајпциг ќе добие 55 милиони евра и бонуси во износ од седум милиони евра, тврди Фабрицио Романо. Олмо претходно ги договори сите услови за соработка со Барселона, а денеска спортскиот директор на Каталонците Деко ја завршил својата работа во Германија. За Лајпциг, 26-годишниот фудбалер одигра 148 натпревари, постигна 29 и асистираше на 34 гола.
🚨🔵🔴 EXCL: Dani Olmo to Barça, here we go! Verbal agreement in place after key mission in Leipzig for Barça director Deco.
€55m guaranteed package plus €7m in add-ons, main part difficult to reach.
Olmo agreed on six year deal valid until June 2030 and he wanted Barça move. pic.twitter.com/Y3aZHyf9iF
— Fabrizio Romano (@FabrizioRomano) August 6, 2024
На 38 настапи за шпанската репрезентација постигна 11 и постави девет гола. Тој особено се истакна на неодамнешното ЕУРО 2024, каде ја предводеше шпанската репрезентација до титулата со три гола и две асистенции. Инаку, ситуацијата околу Олмо со голем интерес ја следи и Динамо, каде Дани пристигна летото 2014 година како 16-годишник.
Во 2020 година Динамо го продаде на Лајпциг за 29 милиони евра, но хрватскиот шампион во договорот стави клаузула според која и тој има право на 20 отсто од заработката што германскиот клуб ќе ја добие од продажбата на Олмо. Доколку Лајпциг го продаде Олмо на Барселона за 60 милиони евра, неговата добивка во однос на она што го платиле за него е 31 милион евра, па Динамо би добил 20 отсто од таа сума или 6,2 милиони евра.