Димитров и Ѓоковиќ денеска играат во Софија

Бугарскиот најдобар тенисер Григор Димитров и поранешниот машки светски рекет број 1 Новак Ѓоковиќ ќе се соочат во хуманитарен натпревар. Средбата е денеска во 19 часот македонско време и ќе се одржи во салата „Арена Софија“ во главниот град.

33-годишниот Димитров се загреваше за мечот со Србинот во родното Хасково, каде што тренираше викендов. Тој изгледа во добра форма откако беше принуден да се повлече во четвртфиналето на УС Опен со Френсис Тиафо. Ноле од своја страна се подготвуваше со одигрување на натпревари од Дејвис купот. Тој и помогна на Србија да се справи со Грција, победувајќи и во сингл и во двојки.

За Ѓоковиќ, кој е 24-кратен Грен слем шампион, а годинава стана и олимписки шампион по златото во Париз, ова ќе биде прв настап на бугарско тло, иако во неофицијален натпревар. 37-годишниот Србин ќе ја заврши сезоната без слем титула за прв пат по 2017 година и е во опасност да не влезе меѓу осумте најдобри за финалето во Торино. И тој и Григор кој е десеттопласиран имаат шанси да бидат меѓу осумте најдобри. Џокер неодамна изјави дека квалификациите за завршниот Мастерс не биле меѓу неговите приоритети.