Директор на шведски клуб: Постои шанса Ибрахимовиќ да заигра за нас, верувам во тоа

Златан Ибрахимовиќ во изминатиот период, поради коронавирусот, времето го поминуваше во роднатата Шведска. За да остане во форма, тренираше со шведскиот тим Хамарби, а дури и одигра пријателски меч.

Сега, Ибра се врати во Италија, а спортскиот директор на Хамарби, Јансон, клуб во кој 25 отсто од акциите се во сопственост на Златан, вели дека можеби еден ден напаѓачот навистина ќе заигра за нив.

-Беше многу позитивно. Посебно во овие тешки моменти. Како за мене, така и за клубот. Бевме во центарот на вниманието и имаше голем интерес од медиумите. Беше тоа позитивно за целата лига, тоа што тој е тука., вели Јансен.

Иако Ибра неколку пати изјавуваше дека речиси и да нема шанси повторно да заигра во шведската лига, сепак спорткиот директор не губи надеж.

-Постои шанса, навистина верувам во тоа. Меѓутоа, само тој точно знае. Нема ништо да каже додека 100 отсто не биде сигурен, вели Јансон.