Евертон вели ништо не е договорено, медиуми пишуваат дека Анчелоти го носи Ибрахимовиќ

Шведскиот фудбалер Златан Ибрахимовиќ може да замине во Евертон доколку Карло Анчелоти биде поставен на тренерската функција, пренесе „Раи“.

Претходно се дозна дека италијанскиот специјалист наскоро може да го предводи премиерлигашот Евертон.

– Во овој случај, голема е веројатноста дека 38-годишниот Швеѓанец, кој во моментов е слободен агент, ќе се приклучи на тимот, објави италијанскиот медиум.

За Ибрахимовиќ се заинтересирани и Наполи, Болоња и Милан.