Фелипе: Наша задача е да го вратиме Вардар од пред неколку месеци

Македонскиот фудбалски првак Вардар се наоѓа во Шпанија каде утре го игра дуелот од 4. коло од Лига Европа против шпанската екипа Реал Сосиедад.

„Црвено-црните“ од денеска се во Шпанија, а за состојбата и кризата на резултатски план стрелецот на единствениот гол за Вардар во групата од Лига Европа Бразилецот Фелипе изјави дека не знае што се случува.

 – Нашата игра значително падна, на терен излегуваме демотивирани. Наша задача е да го вратиме Вардар од пред неколку месеци. Со Реал Сосиедад не чека тежок дуел и мораме да биде фокусирани на овој дуел, рече Фелипе.

Вардар по три одиграни кола има три порази со гол разлика 1:14. Утрешниот дуел со Реал Сосиедад се игра на стадионот „Аноета“ со почеток 21 часот и 5 минути.